Ajo është e bukur. Këtë e shohin të gjithë, por vetë thotë se nuk e perdor bukurinë si aset për karrieren politike. Grida Duma u shpreh se nuk kërkon të përfitojë nga “bukuria”, e se nuk e përdor këtë “aset” për të realizuar qëllimet e saj. Komentet i bëri gjatë një interviste për emisionin ‘Oktapod’ në Vizion Plus.
Sekretarja për Marrëdhëniet me Publikun në PD, tregoi publikisht se ekziston një Fun Page i fansave të saj. Lidhur me një “garë hipotetike” për politikanen më seksi në Shqipëri, Duma u shpreh se nuk ekziston ndonje rivalitet mes saj e deputeteve si Shkjau apo Tabaku. Ajo foli gjithashtu edhe për raportet brenda Partisë Demokratike.
Duma thekson se është më mirë që të mos heshtin zërat brenda partisë, pasi e ndihmojnë atë që të jetë më aktive. Sipasj saj, Basha arriti t’i rezistojë të gjithë zërave që e konsideronin problematike mënyrën e drejtimit të PD-së.
Duke e konsideruar qeverinë Rama një “qeveri laboratorike”, e duke mos i njohur thuajse asnjë aksion të suksesshëm, Duma thekson se Partia Demokratike është gati të marrë pushtetin. Lidhur me mardhënien Berisha-Basha, Duma thotë se ajo nuk tregon se ka binom, por sintoni politike.
