Ish-mbrojtësi i kombëtares shqiptare, Andi Lila, ka bërë një gjest shumë të bukur dhe të veçantë në këtë kohë lufte mes Rusisë dhe Ukrainës.
Me anë të një postimi në Instagram, Lila i ka bërë një thirrje ish-shokëve të tij të ekipit, Vladislav Naumets dhe Orest Kuzik, të cilët janë nga Ukraina.
Ai i ka ftuar në Shqipëri bashkë me familjet e tyre, që të mund të strehohen në vendin tonë deri sa gjendja të mund të qetësohet.
Ky gjest nga ana e Lilës ka shkaktuar dhe një jehonë në mediat greke, e cila ka marrë një vëmendje të madhe nga ana e tyre.
Lila është shprehur se vetëm solidariteti njerëzor mund ta fitojë një luftë.
