Gjykata e Durrësit ka liruar nga qelia Klajdi Xibrakun, i cili ishte i arrestuar për trafik droge nga Ekuadori, pasi në kontejnerët e kompanisë ku Xibraku ishte administrator “Masabu Fruits”, ishin kapur 143 kg kokainë.
Xibraku u paraqit në 2021 në port për të zhdoganuar kontenierin dhe pas zbulimit të lëndës narkotike u vu në pranga. 143 kg kokainë ishin fshehur në tavanin e kontejnerit e ndarë në 200 pako të mbështjella me natriban dhe me kodet e mbishkruara si “Më e mira”; “Vëlla” dhe foton e Pablo Escobar. Pas zbulimit të lëndës narkotike, u arrestuan Xibraku dhe Peti, administratorët e kompanisë ku kishte destinacionin kontenieri me banane.
Që në momentin e arrestimit, Xibraku dhe Peti kanë mohuar se të kenë lidhje me trafikun e kokainës. Ndërsa gjatë marrjes në pyetje kanë pranuar se për shkak të biznesit që kishin, kanë udhëtuar disa herë në Ekuador, me qëllim lidhjen e marrëveshjeve dhe kontratave për blerjen e bananeve dhe frutave të tjera ekzotike.
