Astrit Pukameta 46- vjeç ka varur veten në ambientet e paraburgimit të burgut të Peqinit. Burime bëjnë me dije se i burgosuri i akuzuar për disa vepra të rënda penale ka ndërruar jetë në spitalin e këtij burgu.
Pukameka gjatë datës 16 shkurt 2022 ka kryer dy plagosje në vende të ndryshme, ndërsa grabiti edhe një karburant.
Në rrugën dytësore, në afërsi të mbikalimit, Astrit Pukameta është konfliktuar me personat e identifikuar me iniciale V. K. dhe I. M. dhe i ka spërkatur me naftë, duke tentuar t’i djegë.
Pas konfliktit me këta të dy, ka vajtur në një dyqan ku është konfliktuar dhe me shitësin e dyqanit, shtetasin Bardhyl Petja, dhe e ka plagosur me thikë.
Në afërsi të dyqanit, nën kërcënimin e thikës, ka marrë peng Arjan Shau bashkë me makinën e tij, dhe është larguar në drejtim të Rrogozhinës.
Në fshatin Lekaj, Arjan Shau, ka tentuar të devijojë makinën, dhe është futur në parkimin e një karburanti, dhe shtetasi Astrit Pukameka e ka plagosur me thikë.
Pasi kanë dalë nga makina, është afruar te vendqëndrimi i punonjësit të karburantit, i ka marrë shumën e xhiros ditore, dhe në momentin që kanë arritur shërbimet e Policisë, ka kërcënuar se do digjte karburantin.
