E trishtë është situata te “5 Maji” ku banorët pavarësisht rezistencës po shohin me lot në sy tek shemben banesat e tyre. Por më e rëndë bëhet situata, kur mësojmë se festë dhe hidhërim në të njëjtën ditë ka qenë kjo ditë për një nga fëmijët e kësaj lagjeje, shtëpia e së cilës u shemb ditën e sotme.
Tek prisnin që t’u shembej shtëpia, vajza e banorit Bekim Cerri, festoi datëlindjen e saj të 5-të, ndërkohë që si dhuratë do të merrte diçka të “paharruar”, shembjen e banesës së saj. Babai i saj ka shpërndarë ëmbëlsira për banorët, ndërsa e trishtuar vogëlushja qëndron pranë rrënojave të shtëpisë.
