Disa persona ende të paidentifikuar kanë dëmtuar mbrëmjen e djeshme Kalanë e Lezhës. Personat në fjalë nuk kanë kursyer dhe biletarinë në hyrje të kalasë duke e thyer dhe dëmtuar libra e dokumente me vlerë në brendësi të saj.
Ded Margjoni, specialisti i Drejtorisë së Trashëgimisë Kulturore, tregon se akte të tilla kanë ndodhur dhe herë të tjera, por kësaj here janë prekur dhe dokumente me rëndësi historike dhe muret antike të kalasë.
Shumë objekte janë dëmtuar dhe herë të tjera si stola, rrjeti elektrik, apo dhe ura në hyrje të kalasë dhe ende nuk është marrë asnjë masë parandaluese dhe padyshim është një akt i shëmtuar, që nuk i shërben askujt dhe dëmton së tepërmi turizmin.
