Gjykata e shkallës së parë Shkodër ka dhënë masën e sigurisë “Arrest me burg” me afat 35 ditë për Eduart Kësollën, i akuzuar për vrasjen e Prekë Tonaj.
Sipas burimeve, në seancën gjyqësore i pandehuri Kësolla nuk ka folur, duke e lënë mbrojtjen në dorë të avokatit të tij. Mbrojtja ka kërkuar që të sillen prova që implikojnë 30-vjeçarin, ndërsa ka kërkuar një masë më të lehtë pasi sipas mbrojtjes deri tani nuk ka asnjë prove që tregon se 30-vjeçari është i përfshirë në ngjarje.
47-vjeçari Prek Tonaj ka mbetur viktimë e një atentati disa ditë më parë në fshatin Grudë e Re në Shkodër. Ngjarja u regjistrua rreth orës 19:15, në një lokal në qendër të fshatit. Për ngjarjen në fjalë u arrestua Eduard Kësolla për veprën penale “Vrasja për gjakmarrje”, pasi nga tërësia e veprimeve hetimore të kryera dyshohet si autor i vrasjes së 47-vjeçarit, për motive gjakmarrjeje.
