Një kryefamiljar, të cilit po i shembet sot shtëpia te “5 Maji” ka humbur ndjenjat dhe gjendja e tij shëndetësore është përkeqësuar. Deklarata e motrës së tiji ka prekur dhe tmerruar të gjithë. Në momentin që policia është futur në banesën e saj për ta nxjerrë nga banesa, ajo u ka bërë të ditur se brenda ndodhet i vëllai i cili është në gjendje të rëndë.
“Po më lini të hyj mor, më lini, se po më vdes vëllai nga ankthi. Po këta janë vrasës mor, janë vrasës, po na nxjerrin nga shtëpitë. U vraftë zoti, ju kam lënë zotin! Shtet mizerabël, këtu ska pas shtet këtu e 500 vjet, hajdutë drogaxhinj! Të vrasin natën e të qajnë ditën, na dhunoi turku e serbi e Enveri me këlyshët vetë. Ju lutem mos hidhni firma, mos bëni projektime! Këta janë komunistë, po i marrin këlyshët e kurvës. Kam 40 vjet këtu!
Banorë të tjerë kanë kërkuar që zonja të shoqërohet nga dy policë për të hyrë në banesë dhe për të parë vëllain e saj që është në gjendje të rëndë për shkak të stresit të shembjes së shtëpisë.
