Ambasadori i BE në vendin tonë, Luigi Soreca ka dhënë një deklarata nga Korça, ku ndër të tjera është pyetur edhe për burgosjen e ish-ministrit të Brendshëm, Saimir Tahiri, duke refuzuar të komentojë.
“Ju e dini që nuk e kam zakon të bëj koment për proceduar apo çështje specifike. Po të shihen disa nga vendimet e fundit të gjykatave shihet një pavarësi më e madhe dhe më e fortë. Ky është lajm i mirë për konsolidimin e sistemit të drejtësisë. Ne shikojmë sinjale të mira nga puna e gjyqtarëve dhe gjyqtarëve. A mjafton kjo? jo. Ne presim më shumë nga të gjithë”, tha ai.
Gjithashtu, Soreca e ka konsideruar si shumë të rëndësishme zgjatjen e afateve të Vettingut, ndërkohë që PD duket se është kundër.
“Ju e dini qëndrimin tonë se ka qenë i qartë. Ne kemi thënë që zbatimi i reformës në drejtësi është tejet i rëndësishëm për vendin. Kjo u konfirmua edh nga komisioni i Venecias në dhjetor. Ku nuk u identifikua ndonjë problem për zgjatjen e afatit të Vettingut. Është e rëndësishme që të sigurohen të njëjta standarde për procesin e Vettingut të gjyqtarëve. Votimi për zgjatjen e afatit të Vettingut është një votë për të ardhmen e Shqipërisë në BE”, tha Soreca.
