Banorët e “5 Majit” dhe të zonës së Laprakës kanë nisur sërish një tjetër protestën, kundër shembjes së banesave të tyre ndërsa kanë bllokuar kryqëzimin në fillimin e rrugës.
Ata kanë bllokuar kryqëzimin e “5 Majit” pranë Medresesë, ndërkohë janë përballur me prani të shumtë policia. Momentalisht protestuesit, pas përplasjes fizike me efektivët, janë ulur në rrugë duke bllokuar qarkullimin dhe duke bërë thirrje “Turp”.
Mes protestuesve të cilët po luftojnë për të mbrojtur shtëpitë e tyre, ka qenë dhe gazetari Bledi Marku, i cili është shoqëruar në polici.
Mësohet se bashkë me Markun janë shoqëruar edhe 4 persona të tjerë.
Më 19 janar IKMT ndërmori aksionin për prishjen e banesave në zonën e 5 majit në Tiranë duke i hapur rrugën procesit të rindërtimit.
Shkatërrimi i banesave u shoqërua me revolta nga ana e banorëve të cilët që prej asaj dite kanë ndërmarrë një sërë protestash.
