Ndonjëherë gjëja më e mirë që mund të bëni për një person është t’i ofroni rehati, ngrohtësi dhe dashuri me diçka të thjeshtë si një përqafim. Dhe nëse nuk jeni një adhurues i madh i prekjes fizike, mund të ndryshoni mendje kur të mësoni se sa të fuqishëm mund të jenë ato për shëndetin tonë mendor dhe fizik. Përqafimi do t’u komunikojë të dashurve tuaj se ata janë të sigurt dhe jo vetëm, dhe të gjithëve na është dashur të përqafojmë në një moment.
Bright Side kujdeset për njerëzit, kështu që ne dëshirojmë që të gjithë që e lexojnë këtë të kenë një jetë të lumtur dhe të shëndetshme. Dhe përqafimi është një gjë e lehtë dhe shumë e dobishme për të kontribuar në të.
- Pse prekja njerëzore është kaq e rëndësishme.
Prekja njerëzore është forma më intime e komunikimit dhe natyrshëm sjell përfitimet më të mëdha. Njerëzit që ndihen të vetmuar shpesh e kuptojnë se diçka mungon, por ne nuk jemi të vetëdijshëm se është diçka aq e thjeshtë sa një përqafim. Sipas një sondazhi, në të cilin morën pjesë 40,000 njerëz, fjalët më të zakonshme të lidhura me prekjen ishin “ngushëllim”, “ngrohtë” dhe “dashuri”.
- Pse përqafimet më të gjata janë më të mira për ne.
Njerëzit janë mësuar me përqafime të shkurtra, por ka një arsye të madhe pse ne duhet të përpiqemi t’i bëjmë ato më të gjata tani e tutje. U bë një studim për kohëzgjatjen e përqafimeve, ku pjesëmarrësit duhej të përqafoheshin për 1, 5 dhe 10 sekonda. Rezultatet treguan se përqafimet 1 sekondëshe u gjetën më pak të këndshme, ndërsa ato 10 sekondash dhanë kënaqësinë më të madhe. Përfitimet që sjell një përqafim i thjeshtë janë të mëdha dhe shtimi i prekjes shtesë, si fërkimi i shpinës, vetëm sa do t’i rrisë ato.
- Përqafimet mund të reduktojnë stresin, gjë që do të rrisë lumturinë.
Përqafimet prodhojnë një nga “hormonet e lumturisë”, ose oksitocinë, e cila shpesh quhet hormoni “përqafimi” ose “dashuria”. Sa më shumë dhe më gjatë të prekim apo përqafojmë, aq më shumë prodhohet dhe ndihemi më mirë. Është vërtetuar se hormoni ka efekte kundër stresit.
- Fuqia e një përqafimi lufton ankthin dhe frikën.
Përqafimi mund të ketë përfitime të rëndësishme për njerëzit me ankth, vetëbesim të ulët dhe më konkretisht, ata me frikë nga vdekshmëria e tyre. Ky studim sugjeron që njerëzit që po përjetojnë ato ndjenja mund të duan të preken si një mënyrë për të ndjerë rehati. Rezultatet treguan se ata që u prekën përjetuan më pak ankth ekzistencial sesa të tjerët që nuk kanë qenë në kontakt fizik me një person tjetër.
- Përqafimi mund të zvogëlojë mundësinë për t’u sëmurë.
Një studim sugjeron se njerëzit që marrin mbështetje sociale dhe përqafime mund të jenë pak më të mbrojtur nga infeksionet. Në të morën pjesë 404 të rritur të shëndetshëm dhe pasi morën përqafime, ata u ekspozuan ndaj një virusi të ftohjes së zakonshme dhe më pas u monitoruan për shenja të sëmundjes. Rezultatet treguan se mbështetja dhe përqafimet reduktuan rrezikun e infektimit.
Përkthyer nga 27.al/ Burimi: BrightSide
