Kryeministri Edi Rama ka reaguar për herë të pas skandalit të audiopërgjimit ku dëgjohej Erion Veliaj që me një fjalor banal shantazhonte anëtarët e shoqatës së Tiranës.
Rama ka zgjedhur t’i përgjigjej pyetjes së një komentuesi në Facebook, ku shkruan se i neverit përgjimet sidomos ato në biseda informale duke justifikuar kështu skandalin e kolegut të tij socialit.
Ndër të tjera, ai shprehet se nuk e ka dëgjuar përgjimin dhe as nuk ka ndërmend ta bëjë, ndonëse kjo është e vështirë për tu besuar pasi ky përgjim ka qenë kryefjalë e bisedave të djeshme.
“Unë i neveris përgjimet e bisedave mes njerëzve qe flasin në një mjedis jopublik, te cilat sipas meje nuk mund te merren për baze asnjëherë askund, as si prova fajësie as si prova vërtetësie, sepse tjeter konteksti i një komunikimi informal pa dorashka, tjetër konteksti i shfaqjes publike se nje përgjimi, prandaj edhe as nuk e kam dëgjuar fare dhe as kam ndërmend ta dëgjoj, kështu që meqë te dhashë tërë këtë shpjegim tani të lutem plotësoje pyetësorin me opinionet e tua duke klikuar”, shkruan Rama.
Më herët, edhe vetë Veliaj tha që kishte komunikuar më Ramën për përgjimin ku tha se kryeministri i jep të drejtë në “luftën” e tij me Armando Dukën.
