Përplasjet në Partinë Demokratike po shfrytëzohen nga deputetët e maxhoranës, të cilët i ironizojnë vazhdimisht për ndarjen në dy kampe, atë të Bashës dhe atë të Berishës.
Në momentin kur ministri Manja po prezantonte ligjin për noterinë, në Komisionin e Ligjeve, në sallë ka pasur një moment interesant, ku nuk kanë munguar as batutat mes deputetëve të pranishëm.
Pasi Manja, mbaroi fjalën e tij, nënkryetarja e Komisionit, Dhurata Çupi nisi të drejtojë pyetje ndaj këtij të fundit. Por në këtë moment deputetët nuk ishin shumë të vëmendshëm, ndërsa kryetarja Klotilda Bushka kërkoi që të mbahej qetësi.
“Më falni a mund ta dëgjojmë zonjën Çupi”, tha Bushka.
Në këtë moment ishin duke folur Oerd Bylykbashi dhe Damian Gjiknuri. “Ndjesë, po flisja me këta të Foltores”, tha Gjiknuri, duke shkaktuar të qeshura mes deputetëve të opozitës dhe maxhorancës.
