Donaldi dhe Beatrix janë kthyer padyshim dyshja më e komentuar e Big Brother Vip dhe çdo lëvizje e tyre është bërë kryefjalë e medieve rozë. Dyshja së fundmi ka patur diskutime dhe zënka, që brenda një çifti konsiderohen normale.
Megjithatë gjuetarët e showbiz tashmë janë të sigurt se mes tyre gjërat janë stabilizuar. Së fundmi, ata kanë zhvilluar një bisedë gjatë ditës së sotme teksa po shijonin rrezet e diellit në oborrin e shtëpisë së famshme. Në një moment, Donaldi i thotë këngëtares se atij i pëlqejnë vajzat me karakter të fortë.
“Pëlqimi i parë është pamja e jashtme. Po varet në çfarë kushtesh dhe situatash…”, tha Trixa ndërsa Donaldi shton pas saj: “Bukurisë i ikën lezeti. Pastaj me kë do flasësh? Me bukurinë? Unë i kam qejf vajzat me karakter të fortë.”
