Të tjera detaje janë zbardhur në lidhje me ngjarjen e rëndë mbërmjen e djeshme, ku një shqiptar u gjet i djegur, si pasojë e një zjarri masiv brenda një ferme kanabisi në Londër.
Policia metropolitane thotë se të dielën e dy Janarit shtetasi shqiptar, Ermal Qose 35 vjeç u gjet i djegur brenda një garazhi në zonën Clapton.
Një 33 vjeçar është arrestuar nën akuzën e burgosjes së rreme dhe kultivimit të kanabisit. Ky person po hetohet në gjendje të lirë.
Po për këtë ngjarje më 7 Janar është arrestuar një 26 vjeçar nën akuzën e vrasjes, burgim të rremë dhe kultivim kanabisi.
DCI Mark Rogers që po udhëheq këtë hetim thotë se viktima Ermali humbi jetën në rrethana tragjike pasi mbeti i izoluar brenda kësaj godine e kthyer në një fermë kanabisi e cila u përfshi nga flakë të mëdha.
“Ne kërkojmë ndihmën e publikut në këtë hetim të cilët mund të kenë kaluar afër kësaj godine”, deklaroi Rogers.
