Pas patronazhistëve zbulohet një tjetër skandal me të dhënat personale të qytetarëve shqiptarë. Një listë me emra drejtuesish të institucioneve publike dhe private, kartat e identitetet dhe rrogat e tyre, qarkullon në rrjetet sociale.
Bëhet fjalë për një databazë që po shpërndahet në WhatsApp me të dhënat e qytetarëve të punësuar në sektorin privat dhe publik, pozicionin e tyre të punës, numri i ID-së, i NIPT-it dhe paga bruto e deklaruar. Po ashtu bëhet e ditur se në listë janë emrat e 637.138 tatim-paguesve.
Nuk dihet ende burimi i kësaj liste që posedohet, por lista nuk do të publikohet me qëllim ruajtjen e privatësisë së personave në fjalë.
Duke marrë shkas nga ky skandal, prokuroria po verifikon burimin e listës.
Në listë janë qytetarë të punësuar jo vetëm në sektorin publik por edhe atë privat, të shoqëruar me kartat e tyre të identitetit.
