Jemin Gjana ka zbuluar se në pallatin e Kongreseve ndodhen 5004 delegatë. Gjana theksoi se shumica e demokratëve janë aty.
“Dua t’ju falënderoj sepse shumë nga ju kam takuar qindra dhe qindra para se të fillonim dhe tani kam një sallë të mbushur, me fytyra, me emra e identiteti të cilët kanë udhëtuar 30 vite për PD-në dhe PD për ta. Dua të bëj me dije se të dhënat konfirmojnë se ne kemi shumicën dërrmuese të delegatëve. 5004 nga 7600 që janë total. Kryesia e PD-së në mbledhjen e ditës së djeshme ka vendosur që ndihmë për menaxhimin e punimeve të Kuvendit të krijojë një komision me të cilin janë ndjekur procedurat e regjistrimit të delegatëve dhe e gjithë vendimmarrja që do të ndodhë”, tha ai.
