Zëvendëskryeministri i parë i Maqedonisë së Veriut Artan Grubi ka deklaruar se në vend do të vendoset një kryeministër shqiptar. Në një intervistë për RTV21, Grubi është shprehur se në 100 ditët e fundit para zgjedhjeve të reja, Maqedonia e Veriut do të udhëhiqet nga një kryeministër shqiptar. Për këtë ai deklaroi se ka biseduar edhe me Zoran Zaev.
“Për kryeministrin shqiptar në 100 ditëshin e fundit puna është e kryer. Këtë gjë e kemi diskutuar edhe me z. Zaev por gjithashtu edhe me mandatarin e ri. Gjithashtu për kryeministrin shqiptar në 100 ditëshin e fundit është pajtuar edhe z.Mickoski në takimin mes tij dhe kryetarit Ahmeti”, -tha Grubi.
