Reshjet e dendura të shiut kanë shkaktuar përmbytje në disa zona në jug të vendit. Prurjet e lumit Vjosa kanë shkaktuar problemet e para. Me dhjetëra hektarë tokë janë përmbytur në fshatin Xhuhërinë. Prurjet për shkak të motit kanë qenë intensive duke shkaktuar përmbytje. Deri tani janë përmbytur më shumë se 10 hektarë tokë. Situata paraqitet problematike dhe pritet që të përkeqësohet pasi reshjet vijojnë.
Aktualisht, te Ura e Mifolit, lartësia e lumit ka shkuar rreth 7 metra dhe banorët i tremben rritjes së nivelit gjatë orëve në vijim.
Reshjet e dendura kanë mbushur edhe lumen Drinos që bashkohet me Vjosën në Tepelenë. Problematika paraqitet situata edhe në basenin e Osumit, ku lumi është tejmbushur për shkak të reshjeve gjatë natës dhe paraditës së sotme.
