Muaji dhjetor si kundër njihet si muaji i festave, mund të konsiderohet edhe si muaji i sensibilizimit gjithashtu edhe për atmosferën që krijohet për shkak të festave. Një vit më parë 28 vjeçarja Greta Dedaj, e cila historia e saj u bë shumë e njohur si në rrjetet sociale ashtu edhe në median e shkruar, ku tanimë prej 4 vitesh ajo kurohet në institutin onkologjik në Milano. Duke u nisur nga historia personale, vitin e kaluar ajo ndërmori nismën në festat e fundiviti “Përgjigja e çdo ekuacioni është gjithmon dashuria”, ndërsa këtë vit ajo do të organizojë një tjetër event bamirsie, ku të ardhurat e mbledhura do të shkojnë të gjitha tek fëmijët e shtruar në repartin e Onkologjikut pranë Spitalit Univeristar Nënë Tereza në Tiranë. Në këtë event bamirsie, themeluesja e kësaj nisme nuk është vetëm por me tri bashkpuntorë.
“Eventi quhet “Santas Drift” dhe do të mbahet dy ditë më datë 18 në sheshin “Nënë Tereza”, do të zhvillohen “CarDrift” si dhe do shoqërohet edhe me muzik nga DJ shumë të njohur. Ditën e dytë më 19 dhjetor do të zhivollohen sërish “CarDrift” si dhe një koncert Live me këngëtar shumë të njohur për publikun shqiptarë si Eranda Libohova, Erinda Gjoni, Erik Lloshi, Hit man&Roll man etj. Thelbi i eventit është se të ardhurat e mbledhura do të shkojnë në spitalin onkologjik për fëmijët e sëmur me kancer. Gjithashtu ky event është i mbështetur edhe nga Bashkia Tiranë ”, është shprehur 28 vjeçarja.
Në emisionin e mëngjesit “Wake up”, ajo sqaroj se eventi i bamirsisë është i lirë dhe nuk do të zhvillohet me bileta. Dedaj shton se eventi është i hapur për këdo dhe pjesmarrësit mund të kontribuojnë me vullnetin e tyre të lirë qoft edhe me veshmbathje, lodra për fëmijët pse jo edhe me ushqime.
“Të ardhurat fianciare që do të mblidhen gjatë eventit si edhe veshmbathjet do të shkojnë për fëmijët të cilët marrin shërbime në repartin e Onkologjikut pranë Spitalit Univeristar Nënë Tereza! Data e dorëzimit është menduar të bëhet në data 23-24 dhjetor, të ardhurat do i dorëzohen prindërve të fëmijëve në spitalin onkologjik që po kurohen aty, duke e ditur sesa nevojë kanë ata për ato të ardhura.”, ka deklaruar 28-vjeçarja.
