Sot në Greqi janë shënuar 82 humbje jete si pasojë e COVID-19. Shifrat e infektimeve vijojnë që të jenë tejet të larta, teksa në 24 orët e fundit janë regjistruar 5870 raste me COVID-19.
Në intubim janë 641 pacientë që vijojnë luftën me sëmundjen që deri tani ka marrë miliona jetë në botë.
Rekordi i rasteve me COVID në Greqi është shënuar në datë 9 nëntor të këtij viti, 8613 të infektuar brenda 24 orëve.
Numri më i madh i vdekjeve nga virusi në një periudhë 24-orëshe është shënuar më 28 nëntor 2020, ku humbën jetën 121 pacientë.
Greqia ka shtrënguar masat për të pavaksinuarit, por rastet janë ende të larta.
