Ngjarja e rëndë e vrasjes së 8-vjeçarit, Mateos nga Fieri, ka tronditur opinionin publik dhe të shumtë janë ata që në ndjesitë krijuara nga kjo ngjarje, kërkojnë dënimin me vdekje të autorit, i cili vrau brutalisht një fëmijë.
Çesk Simoni është shkodrani i cili ka përjetuar një histori të ngjashme 19 vite më parë, ku Sadik Kuniqi i vrau gruan dhe djalin 3-vjeç.
Simoni ka shkuar nga Shkodra në familjen e Mateos në Fier për ngushëllim dhe është shprehur duke thënë se do te qëndrojë atje bashkë me familjarët.
Në Mars të vitit 2002 Kuniqi shkoi në shtëpinë miku të tij, Çesk Simonit, në shtëpi gjeti gruan Mirën së bashku me djalin e saj 3 vjeç Xhekun. Kuniqi plagosi rëndë gruan e mikut të tij dhe më pas u fut në dhomën e djalit të vogël dhe e therri me një mistri. E plagosur, Mira Simoni vdiq në ballkonin e shtëpisë së saj, por përpara se të ikte Sadik Kuniqi i dha asaj dhe goditjen fatale. Kur zbriti shkallët e pallatit disa fqinjë të alarmuar e panë dhe i rrëfyen policisë imazhin e tij, Kuniqi u arrestua dy orë më vonë, ndërsa rrëfimi dhe sjellja e tij përpara policisë ishte diçka e padëgjuar më parë.
