Grupi i deputetëve “Miqtë e Fëmijëve” janë mbledhur sot në takimin e tyre të parë. Në nisje të këtij takimi janë zgjedhur edhe tre nënkryetaret e grupit të cilat janë Erisa Xhixho, Ina Zhupa dhe Desantila Tahiraj.
E para që mori fjalën ishte Fiona McCluney, koordinatore Rezidente e OKB-së në Shqipëri. Në fjalën e saj McCluney tha se në Shqipëri është rritur dhuna ndaj fëmijëve dhe se ringritja e këtij grupi është një përgjegjësi që deputetët marrin kundrejt fëmijëve.
Ajo u shpreh e sigurt se ky rol do të merret seriozisht ndërsa shtoi se fëmijë të sigurt sjellin edhe një ardhme të sigurt. Sa i përket rastit të fundit të ndodhur në Fier ku një fëmijë tetëvjeçar u rrëmbye dhe u vra barbarisht nga fqinji, koordinatorja e OKB nuk dëshiroi që të bënte komente.
Por, McCluney u shpreh se reagimi i qeverisë është vënë re dhe është marrë në konsideratë.
