Një efektiv policie ka mbetur i plagosur pas një aksidenti të ndodhur mëngjesin e sotëm pranë mbikalimit të Patokut. Sipas Policisë së Lezhës, aksidenti ndodhi në aksin rrugor Lezhë-Mamurras, ku automjeti me drejtues Gj.B., është përplasur me mjetin e Policisë Rrugore Lezhë.
“Automjeti me drejtues shtetasin Gj.B., është përplasur me mjetin e Policisë Rrugore Lezhë, ku si pasojë ka marrë dëmtime të lehta punonjësi i Policisë shtetasi A.T”, thotë Policia në njoftimin zyrtar.
Deri më tani mësohet se efektivi ndodhet jashtë rrezikut për jetën, ndërsa grupi hetimor po punon për sqarimin e plotë të shkakut dhe rrethanave të ngjarjes.
