Një punonjës i Gardës së Republikës, është plagosur me armën e shërbimit. Sipas njoftimit të policisë, mësohet se gardisti 29-vjeçar është paraqitur për ndihmë mjekësore në spitalin e Durrësit.
Mësohet se i riu është dëmtuar aksidentalisht në këmbë me armën e shërbimit, në rrethana ende të paqarta. Aktualisht ai ndodhet jashtë rrezikut për jetën dhe nën kujdesin e mjekëve. Ende nuk dihet identiteti i gardistit që mbeti i plagosur.
Njoftimi i policisë: Në Spitalin Rajonal Durrës është paraqitur për ndihmë mjekësore shtetasi M. G., 29 vjeç, punonjës i Gardës së Republikës, i cili është dëmtuar aksidentalisht në këmbë me armën e shërbimit. Aktualisht ndodhet jashtë rrezikut për jetën.
