G20 po dështon vendet e varfra dhe të cenueshme duke mos rënë dakord për një plan klimatik që do të siguronte mbijetesën e njerëzve të tyre, kanë thënë figurat kryesore në bisedimet për klimën, Cop26.
Sipas Guardian, udhëheqësit që përfaqësojnë më shumë se një miliard nga njerëzit më të rrezikuar nga kriza klimatike thanë se ishin “jashtëzakonisht të shqetësuar” dhe kishin shpresuar për më shumë nga Samiti i G20 në Romë.
Ata thanë se perspektiva e kufizimit të ngrohjes globale në 1.5 C mbi nivelet para-industriale, një prag jetik që shkencëtarët thonë se është një kufi planetar po zbehej kur u hap konferenca e OKB-së në Glasgow.
G20 prodhoi atë që disa analistë thanë se ishte përparim domethënës në Romë, me një zotim për të arritur emetimet neto zero deri në mesin e shekullit dhe për të ndërmarrë veprime këtë dekadë për të kufizuar ngrohjen globale në 1.5C, por vendet e varfra thanë se premtimet nuk u shoqëruan me plane të qarta.
Ata u kërkuan udhëheqësve të G20 që mbërrijnë në Glasgow për dy ditë bisedimesh me më shumë se 100 krerë të tjerë shtetesh, të cilat do të pasohen nga gati dy javë bisedime mes zyrtarëve të lartë, për të dalë me plane më ambicioze për të ulur emetimet e gazit serrë.
Me më shumë se 1.5 C ngrohje, shumë ishuj të vegjël përballen me përmbytje nga rritja e nivelit të detit dhe stuhitë më të ashpra, por Browne tha se vendet e zhvilluara ishin gjithashtu në rrezik.
Mbretëria e Bashkuar tha se vendet në zhvillim do të kenë mundësinë të hënën t’i paraqesin këto shqetësime udhëheqësve të G20 në një takim ballë për ballë në Glasgow.
G20, e cila përfshin prodhuesit kryesorë të lëndëve djegëse fosile si Rusia dhe Arabia Saudite që kanë qenë prej kohësh armiqësore ndaj veprimit klimatik, si dhe emituesi më i madh në botë, Kina, ranë dakord të ndërmarrin veprime këtë dekadë për emetimet, megjithëse nuk u zotuan për 45 % ulje të emetimeve që shkencëtarët thonë se nevojiten deri në vitin 2030 për t’iu përmbajtur kufirit 1.5C.
