Jacob Funk Kirkegaard një anëtar i lartë në Fondin Gjerman Marshall (GMF), ka qënë i ftuar në Bloomberg TV për të diskutuar lidhur me dorëheqjen e presidentit të Bundesbank, Jens Weidmann.
Sipas Ndtv, teksa i ftuari analizonte ndikimin ekonomik të dorëheqjes, djali i tij i vogël u shfaq në sfond, duke kërcyer e duke bërë fytyra qesharake para kamerës.
Fëmija bëri çdo përpjekje për të përqendruar vëmendjen tek ai, duke e shtyrë drejtuesin e TV të pyeste zotin Kirkegaard: A punon djali juaj për qeverinë greke?
Duke kuptuar se djali i tij ka bërë diçka pas shpinës së tij, Kirkegaard qeshi dhe tha se fëmijët janë shumë të vështirë për t’u kontrolluar.
Duke ndarë një video të incidentit, një përdorues i Twitter-it shkroi: Punë mbresëlënëse e këtij të riu në TV Bloomberg këtë mëngjes. Provon atë që kam thënë gjithmonë: Çdo raport për Bundesbank duhet të përfshijë fëmijë gallatë që kërcejnë në sfond.
