Drejtori i ri i Policisë së Shtetit, Gledis Nano do të zhvillojë mesditën e sotme një konferencë për shtyp. Konferenca do të mbahet në 13:00 dhe kjo është dalja e parë publike e drejtorit të policisë, që pas marrjes së detyrës.
‘Duke ju uruar javë të mbarë, ju njoftoj se në orën 13:00, në ambientet e Drejtorisë së Përgjithshme të Policisë së Shtetit, Drejtori i Përgjithshëm i Policisë së Shtetit do të japë një konferencë për shtyp.’- njofton policia.
Përfundimi i afatit 100 ditësh të vendosur nga Kryeministri Edi Rama, si edhe ndryshimi i drejtorit të Përgjithshëm të Policisë së Shtetit, pritet të sjellin ndryshime rrënjësore, që do të prekin jo vetëm kupolën e policisë, por edhe drejtorët vendorë, shefat e komisariatit e të rendit.
Nga 12 qarqet, kryepolici i ri, ka takuar vetëm vartësit e tij në Tiranë, pavarësisht se përgjatë 100 ditëve, policia ka qenë nën ethet e vëzhgimit dhe rezultateve.
