Detyrimi për të kryer vaksinën ose për të paraqitur çdo javë testin PCR ka ngritur ditën e sotme studentët në protestë. Ky detyrim ka shkaktuar revoltë te studentët që nuk janë vaksinuar dhe tek ata që nuk kanë kryer testet, pasi shprehen se nuk kanë mundësi.
Protesta e studentëve është zhvendosur në këto momente përballë Ministrisë së Arsimit në “Rrugën e Durrësit”. Rruga për mjetet është bllokuar pasi studentët kanë zaptuar rrugën. Ata kërkojnë që vaksinimi me detyrim të hiqet si dhe nëse është e nevojshme, testi PCR të jetë falas.
