Zëvendëskryeministri Arben Ahmetaj është ndalur te çështja e krizës energjitike, në konferencën për mediat pas mbledhjes së qeverisë, e cila u mbajt në mungesë të Ramës.
Ahmetaj tha se në javën e ardhshme kryeministri Edi Rama pritet që të bëjë publike një paketë me masa për krizën energjitike, me qëllim mbrojtjen e konsumatorëve familjarë dhe biznesit të vogël.
Ndërkohë që i pyetur nga gazetarët nëse kjo do të thotë mosrritje e çmimit të energjisë, Ahmetaj nuk e pohoi këtë, duke lënë të hapur mundësinë e një skeme subvencioni.
Ahmetaj tha se i gjithë fokusi i qeverisë tashmë është i vendosur te furnizimi i vazhdueshëm dhe i pandërprerë me energji elektrike.
