Kompania e mirënjohur britanike e udhëtimeve Skyscanner ka detajuar një listë me 20 plazhet më të mira të Europës. “Vendasit nuk do të donin t’jua tregonin” cilëson Skyscanner. Monitor raporton se mes tyre gjendet edhe Shqipëria, në vendin e 17-të gjendet me plazhin e Dhërmiut.
Ja si shkruan Skyscanner për këtë plazh:
“Nuk keni dëgjuar më parë për Rivierën shqiptare? Duhet ta kishit bërë. Në një të ardhme jo shumë të largët këto brigje do të kthehen në një destinacion të lakmuar për britanikët që janë në kërkim të destinacioneve me plazhe të virgjëra dhe pushime plot diell. Udhëtimi në Dhërmi nuk është dhe aq i thjeshtë sepse do t’ju duhet të përballeni me kalime nëpër mal që kërkojnë nerva të qeta, megjithatë gjithcka do t’ia vlejë kur të arrini atje.
Si mund të shkoni? Mund të udhëtoni me autobuz nga Tirana ose të merrni me qera një makinë”.
Listën me 20 plazhet sekrete të Europës e kryeson Italia më një plazh në Korsikë (Plage de Saleçia), e më pas renditet plazhi Cala de sa Forcanera në Spanjë, rreth një orë larg Barcelonës.
Renditja vijon më tej ku në vendin e tretë kompania britanike vendos Anamur (Iskele), që është shumë pranë Antalias. Në vendin e katërt dhe të pestë gjenden përkatësisht dy plazhe në Britani dhe Skoci.
