Sinoptikania Adiola Bani ka bërë me dije se dita e shtunë dhe dita e dielë do të sjellin rënie të temperaturave me të paktën 2-3 gradë Celsius gjatë orëve të mesditës duke bërë që maksimumi në rang territori të shënojë jo më shumë se 29 gradë Celsius.
Përsa i përket kushteve atmosferike dita e sotme do të karakterizohet me mot me kthjellime të pakta dhe vranësira të shpeshta të cilat gjatë orëve të pasdites do sjellin rebeshe afatshkurtra në skajin verior ndërsa momente të shkurtra me pika shiu rrezikojnë zonat qendrore.
Dita e shtunë duke filluar nga orët e para të ditës pritet që të ketë rebeshe shiu në zonat veriore dhe pjesërisht në zonat qendrore dhe më pak në zonat jugore.
