I riu humbi jetën pasi ra nga ballkoni i “Rogner”, kangjellat e hotelit ishin të amortizuara

I riu i cili humbi jetën dje pasi ra nga ballkoni i hotel “Rogner” në kryeqytet, dyshohet se u mbështet te kangjellat që ishin të amortizua.

Hotel ‘Rogner’ në Bulevardin ‘Dëshmorët e Kombit’ në Tiranë u kthye pasditen e djeshme në një skenë krimi. Shqiptari nga Maqedonia e Veriut, Ajdin Mustafi, 28-vjeç, humbi jetën pasi ra nga kati i pestë i hotelit.

Dyshohet se 28-vjeçari ka qenë i mbështetur te kangjellat e ballkonit, që kanë qenë të amortizuara dhe për pasojë i riu ka rënë nga lartësia, duke humbur jetën më pas në spital.

Qytetarët e tjerë që kanë qenë duke qëndruar në këtë hotel kanë parë skena tmerri. Pranë trupit të të riut janë gjetur dhe kangjellat mbrojtëse të ballkonit.

Lidhur me këtë ngjarje kanë nisur hetimet ndaj administratorit të hotel ‘Rogner’.