Sipas gazetarëve në Maqedoninë e Veriut, u deshën vetëm 20 minuta që Spitali Modular Covid në Tetove të shkrumbohej.
Komandanti i Njësitit të kundër zjarrit, Uka Aliti në një deklaratë për mediat tha se vatra e zjarrit është ndihmuar nga shpërthimi i një bombole oksigjeni.
Sipas tij, përpara se të arrinin në vendin e ngjarjes ekipet e zjarrfikëses, ka ndodhur një shpërthim.
“Para se të arrijmë ne ka pasur një shpërthim. Vetëm një shpërthim është dëgjuar. Nga ai shpërthim i bombolës me oksigjen… Meqë oksigjeni nuk digjet, mirëpo nga ai shpërthim i bombolës, meqë oksigjeni i ndihmon zjarrit dhe ai zmadhohet.”
Sipas raportimeve zjarri është shuar në më pak se gjysmë ore nga mbërritja e zjarrfikësve por dëmi që u bë ishte i madh. Të paktën 14 persona humbën jetën.
