Mjeku Ilber Besimi nga spitali i Tetovës, i cili është edhe nënkryetar i Odës Mjekësore ka njoftuar se të paktën 12 pacientë kanë mundur t’i shpëtojnë zjarrit që përfshiu spitalin Covid në Tetovë mbrëmjen e së mërkurës.
“Sloboden Pecat” merr vesh se numri i saktë i të mbijetuarve pas zjarrit të mbrëmshëm që shpërtheu në spitalin modular është 12 dhe të gjithë ata janë shtruar në spitalin në Tetovë.
Kujtojmë se dje në orën 21:02 u raportua se spitali modular në Qendrën Mjekësore të Tetovës ishte në flakë. Ekipet mbërritën në vend brenda pak minutash me 30 zjarrfikës dhe pesë automjete. Flakët janë lokalizuar në orën 21:30.
