Kontrollet e policisë me dron e mjete civile, arrestohen 13 drejtues mjetesh në 48 orë

Në 48 orët e fundit policia ka vënë në pranga 13 drejtues mjetesh për shkelje të rregullave të qarkullimit rrugor. Njoftohet se në autostradën Levan-Vlorë, gjatë monitorimit me radar, është konstatuar mjeti tip “Benz”, që drejtohej nga 24-vjeçari A. M., rezident në Itali, me shpejtësi 184 km/h.

I riu u gjobit me 40.000 lekë të rinj. Shpejtësi të mëdha janë konstatuar nga radari edhe në akset rrugore Shkodër-Koplik, Milot-Morinë, Lezhë-Fushë Krujë, Tiranë-Elbasan, Durrës-Kavajë-Lushnjë, Elbasan-Korçë dhe Gjirokastër-Sarandë.

Si rezultat, bëhet e ditur se janë pezulluar 73 leje drejtimi, nga të cilat 44 për shpejtësi mbi normat e lejuara, 25 për drejtim mjeti nën efektin e alkoolit dhe 4 për qarkullim në sens të kundërt.

Reshjet zbuluan propagandën e qeverisë, rrugët e reja u shembën me dy pika shiu –

Shqipëria e 85-ta në botë për të ardhurat për frymë sipas fuqisë blerëse –

U bënë vetë Zot dhe vetë shkop –

U bënë vetë zot vetë shkop –

Po gjatë 48 orëve të fundit janë ndëshkuar me masë administrative 3456 drejtues mjetesh, për shkelje që janë rrezik potencial për përfshirje në ngjarje rrugore. Po ashtu, Policia Rrugore e Tiranës, nisur nga një video e publikuar në rrjet ka identifikuar dhe shoqëruar një të mitur. Nga hetimi rezultoi se 17 vjeçari, ka drejtuar automjetin në mënyrë të parregullt dhe të rrezikshme për përdoruesit e tjerë të rrugës, duke qenë i papajisur me leje drejtimi.

Ndaj 17-vjeçarit filloi procedimi penal për drejtim mjeti pa leje drejtimi.