Një emër i ri ka dalë në skenë për Milanin. Kuqezinjtë kanë hedhur sytë nga Bundesliga gjermane, aty ku tentojnë Florian Grillitsch, mesfushorin shkatërrues të skuadrës së Hoffenheim.
26-vjeçari austriak luan edhe si qendërmbrojtës, teksa numëron 26 ndeshje dhe 1 gol me ekipin kombëtar. Kickershkruan se lojtari pëlqehet shumë nga drejtuesit e nënkampionëve të Italisë.
Grillitsch ka edhe një vit kontratë me klubin gjerman, fakt që ul disi pretendimet e Hoffenheim. Gjithsesi, media gjermane thekson se akordi mund të arrihet për shifrën e të paktën 10 milion eurove.
Bisedimet mes palëve kanë filluar, mesfushori austriak është entuziast në lidhje me transferimin në Milanello, teksa për shërbimet e tij interesohet edhe Napoli.
