Masat parandaluese kundër koronavirusit kanë bërë që pronaret e lokaleve në Vlorë të zhvillojnë protestë përballë ambienteve të Drejtorisë së Policisë.
Ata shprehen se nëse situata nuk ndryshon, nga e hëna do të ketë mbyllje totale të bizneseve.
“Ne si biznese në Vlorë jemi mbledhur për disa masa administrative që u kanë bërë disa kolegëve tanë. Po ashtu marrë shkas sepse nga kjo situatë çdo natë biznese po përballen me sherre. Jemi të vendosur se nëse kryeministri nuk ndryshon orarin e mbylljes së aktivitetit përgjatë Lungomare, ne në të gjithë Vlorën do të krijojmë një mbyllje totale, duke filluar nga e hëna”, është shprehur një pronar biznesi.
Më tej ai deklaroi se në këto kushte nuk arrijnë të dalin në fitime, ndërsa sjellja e policisë mbetet arrogante.
“Ne nuk arrijmë dot të dalim në fitim, ku taksat nuk ulen, por të vjen polici tek dera jo sikur po bëjmë turizëm, por sikur jemi në Siri”, ndërsa i ka bërë thirrje kryeministrit që t’i marrë ai në menaxhim lokalet dhe se do të ketë dyfishin e pagës.
“Ne nuk arrijmë dot të dalim në fitim dhe me këto kufizime e mbyllje ku nuk ulen taksat, por vjen polici tek dera jo sikur jemi në turizëm, por sikur jemi në Siri. Ne i bëjmë thirrje kryeministrit, vetëm tek ty kryeministër kemi besim që të vish të na menaxhosh lokalet dhe të ofrojmë dyfishin e pagës që merr si kryeministër, me gjithë bujarinë që kanë të gjithë vlonjatët së bashku.
Do t’i kalojmë menaxherët tanë kamarier dhe lekët që do të kursejmë do t’ja japim kryeministrit me besim të plotë se ai nuk na vjedh dhe na çon drejt falimentimit”, shprehet ai, ndërsa shtoi: Të gjithë bizneset e Lungomares po goditet fort , sjellja e policisë është ekstreme. Ndërsa përtej Llogarait shohim që komplekset ecin shumë bukur, janë komplekse që kanë krah tek dera dhe nuk guxon polici të shkojë atje. Vetëm në Vlorë po shohim goditje”, tha ai.
