Ish-kryeministri Sali Berisha ka reaguar pas aksionit të SPAK në Ministrinë e Brendshme për tenderin e uniformave të Policisë. Berisha shprehet se në Suedi kapelja me strehë e policit kushton 34 euro ndërsa për policin shqiptar kushton 350 euro.
“Kjo është vjedhje me 11 fish! Në Suedi kapelja me strehe e policit kushton 34 € kurse për policin shqiptar ajo kushton 350€. Ata që janë arrestuar padyshim kanë përgjegjësi ligjore të pamohueshme. Por bosët e tyre Lleshaj, Agaçi janë përgjegjësit me kryesor të kësaj vjedhje të 11 fishtë të denoncuar me emër dhe mbiemer disa herë nga qytetarët dixhital që në fillim të aferës. Por ata i mbronë kreu i meduzës sepse ai vjedh më shumë se të gjithë në këtë vend! Sb”, shkruan Berisha.
