Ambasadorja e SHBA në Tiranë, Yuri Kim, reagon pas aksionit të zhvilluar sot në Ministrinë e Brendshme, ku u arrestuan tetë zyrtarë dhe ish-zyrtarë të kësaj ministrie, dhe një në “arrest shtëpie”, me urdhër të SPAK, pasi dyshohet se kanë abuzuar me tenderin e uniformave të Policisë së Shtetit.
Sipas kryediplomates amerikane operacionet e SPAK po jep rezultate kundër korrupsionit, ambasadorja Kim thekson se abuzimi me prokurimet publike është krim.
“Na vjen mirë të shohim veprimet e SPAK kundër Korrupsionit. Abuzimi ose manipulimi i prokurimeve publike është njësoj si të vjedhësh të gjithë qytetarët, (përfshirë qytetarët amerikanë, taksat e të cilëve iu japin ndihmë), për të majmur kuletat e vetes ose të “miqve”. Ky është krim”, shkruan ambasadorja Kim.
