Policia e Durrësit ka arrestuar një 22-vjeçar me iniciale E.Z. pasi akuzohet se 4 ditë më parë ka aksidentuar një italiane në Durrës dhe më pas është larguar nga vendi i ngjarjes. E dëmtuara A. G., pas mjekimit të marrë në spital është larguar në banesë.
Policia njofton se 22-vjeçari rezulton të jetë autor i dy vjedhjeve të ndodhura më parë. Konkretisht në datë 10 qershor ai ka vjedhur një sasi vlere monetare dhe disa paketa cigare. Katër ditë më vonë në lagjen nr.13, Plazh, Durrës, dyshohet se ka vjedhur në marketin e shtetasit M. M.
“Aksidentoi një shtetase më datë 15.06.2021, dhe u largua, bie në prangat e Policisë autori i dyshuar. Gjithashtu ky shtetas ishte i shpallur në kërkim pasi dyshohet si autori kryesor i 2 vjedhje në Durrës.
Ky shtetas më datë 15.06.2021, në lagjen nr.11, Durrës, duke drejtuar mjetin tip “Toyota”, ka aksidentuar shtetasen italiane A. G., 74 vjeçe, dhe më pas është larguar nga vendngjarja. Shtetësja A. G., pas mjekimit të marrë në spital është larguar në banesë.
Në vijim të veprimeve të kryera dyshohet se ky shtetas është autor i 2 vjedhjeve të ndodhura më parë, konkretisht: Më datë 10.06.2021, në Kameras, Durrës, dyshohet se ka vjedhur në dyqanin e shtetases V. M., një sasi vlere monetare dhe disa paketa cigare.
