Një shqiptar është dënuar me 9 vjet heqje lirie në Greqi për vrasje në tentativë, pasi akuzohet për një incident të rëndë të ndodhur gushtin e kaluar në plazhin e Paxos.
Një oficer policie në atë kohë ishte duke ecur në plazhin e Paxos dhe ishte jashtë detyrës, nën shoqërinë e dy kolegeve të tij. Papritmas një shqiptar 50-vjeçar u shfaq nga hiçi dhe e qëlloi në kokë me një shufër hekuri. Sipas mediave greke shqiptari e qëlloi disa herë oficerin e policisë duke i shkaktuar plagë të rënda.
Para gjykatës, shqiptari u shpreh se kishte një sherr personal me personin në fjalë, pasi pretendonte se e kishte arrestuar pa të drejtë disa kohë më parë, por kjo gjë nuk u vërtetua kurrë.
