Shkrimtarja Mira Meksi ka marrë dozën e vaksinës anti-COVID dhe tani mund të vijojë trajtimin e mëtejshëm të sëmundjes së rëndë nga e cila vuan.
Lajmin e ka bërë me dije vetë ajo përmes një statusi në rrjetet sociale. Meksi falenderon të gjithë për solidaritetin dhe energjinë që ka marrë për të përballuar sëmundjen.
“Miqtë e mi, dashamirës, jeni aq shumë sa nuk jua përmend dot emrin. Por zemra ime ju njeh të gjithëve. Më keni prekur shpirtin me solidaritetin tuaj, më keni dhënë forcë dhe energji për ta përballuar semundjen. Ju jam përjetësisht mirënjohëse. Ju uroj së pari shëndet dhe forcë njerëzore në këto kohëra të zeza! Ka dritë në fund të tunelit! Falenderoj nga zemra Kryeministrin Rama dhe Ministren Manasterliu që më mundësuan vijimin e trajtimit të mëtejshëm të sëmundjes! Zoti me ne të gjithë!”, ka shkruar ajo.
