Mjekët kanë ngritur shqetësimin se pacientët e infektuar me COVID-19 nuk po i drejtohen mjekut të familjes COVID-19 nuk po i drejtohen mjekut të familjes, por po i marrin recetat në rrjetet sociale.
Sipas mjekes Luiza Metani, ky është një fenomen që ekziston, por muajt e fundit ka patur më shumë ndërgjegjësim nga qytetarët.
“Është problem si fenomen, por janë raste të rralla ato që mund të marrin një recetë se i ka marrë komshiu apo i afërmi i tyre. Mendoj që tashmë janë ndërgjegjësuar pacientët.
Muaji shkurt regjistroi edhe numrin më të lartë të infektimeve, ndërkohë që në Qendrën Shëndetësore nr.6 në Tiranë ka patur 200 pacientë që u ndoqën nga miku i familjes.
“Në qendrën tonë ka shumë raste sidomos muaji janar dhe shkurt dhe të gjithë pacientët janë të ndjekur nga mjekë të familjes. Të konfirmuar në muajin shkurt kanë qenë 35 pacientë që janë ndjekur nga unë. Sigurisht ka dhe pacientë të tjerë dhe si qendër shëndetësore mund të kemi pasur mbi 200 raste”, tha Metani në Tv Klan.
Mjekët kanë bërë thirrje që pacientët që dyshojnë se janë infektuar me koronavirus duhet të drejtohen te specialist për vlerësimin e gjendjes shëndetësore.
“Patjetër duhet ndjekur nga mjekët e familjes sepse edhe historikun edhe problematikat që kanë duhet të konsultohen me mjekun e familjes”, u shpreh ajo.
