Shefja e Epidemiologjisë në Institutin e Shëndetit Publik, Silva Bino deklaroi se ka dyshime të forta që në vned kanë hyrë të dyja mutacionet e Covid 19, si ai i Mbretërisë së Bashkuar ashtu edhe ai i Afrikës së Jugut.
Në mbledhjen e Komitetit të Ekspertëve, Bino theksoi se këto mostra po testohen.
“50 monstra po dërgohen në Institutin e Shëndetit Publik të Anglisë që janë edhe laboratore reference. Ne kemi dyshuar për këto mostra për mutacion. Të dyja llojet e mutacioneve qoftë i Mbretërisë së Bashkuar, qoftë ai i Afrikës së Jugut. Këto mostra po testohen. Ne po ashtu presim metodologjinë e re që të na vijë nga Turqia, po zbatohet edhe në Norvegji do të na lehtësojë punën për t’i dalluar më mirë këto mutacione”,- tha ajo.
