“Kosherja” është spektakli më i ri i humorit që do të fillojë javën e parë të marsit në ABC.
Autori, Altin Basha ka zbuluar ditën e sotme shumë surpriza rreth programit. nI ftuar në “ABC e Mëngjesit”, ndër të tjera ai tregoi se dy prezantuesit e “Kosheres” do të jenë aktori i njohur, Bes Kallaku dhe moderatorja Jona Spahiu.
“Është një rinisje nga fillimi pasi për 17 vjet kam bërë një projekt. Të them të drejtën ka shumë adrenalinë dhe do të bashkohen shumë emra të njohur, mund të them që një prej tyre është Bes Kallaku. Mendoj se prezantuesja do t’i japë spektaklit shumë risi siç është Jona Spahiu, cilësitë e saj profesionale më kanë bindur që ajo mund të jetë prezantuesja më e mirë e këtij emisioni dhe mezi presim se si ajo do të përshtatet”, tha Altin Basha.
