Ministri i Shëndetësisë në Maqedoninë e Veriur, Venko Filipçe, ka nënshkruar marrëveshjen për furnizim me vaksina kundër COVID-19 nga prodhuesi kinez “Sinofarm”.
Maqedonia e Veriut nga kjo kompani siguron 200.000 vaksina që do të arrijnë në muajin Shkurt. Data e saktë e arritjes së vaksinave do të vërtetohet ditëve në vijim.
“MSH-ja, duke respektuar rregulloren e marrëveshjes për fshehtësi, konform politikës globale të të gjitha kompanive për prodhimin e vaksinave, por edhe të Kompanisë “Sinofarm”, të dhënat që i përmban marrëveshja mbeten të besueshme. Vaksinat kineze do të arrijnë në Aeroportin e Shkupit. Është bërë plan i detajuar për transportin e vaksinave nga aeroporti deri tek operatorët ekonomik që janë të ngarkuar për të deponuar sasitë, kurse më pas edhe plani për distribuim në punktet vaksinuese ku do të zbatohet vaksinimi. Vaksina “Sinofarm” ruhet dhe distribuohet në temperaturë prej 2 deri 8 gradë celcius, kurse vaksinat janë të paketuar në formulim të shiringës paraprakisht të mbushur, që lehtëson vetë aplikimin e vaksinës”, thuhet në deklaratën e ministrisë.
