Virologu i njohur italian, profesori Giorgio Palù, ka dhënë një intervistë lidhur me vaksinën AstraZeneca dhe efikasitetin e saj.
“Të dhënat na tregojnë se ajo ka një efikasitet prej rreth 60% në të gjithë popullsinë, por që për momentin dëshmia më e fortë ka të bëjë me njerëzit mes 18 dhe 55 vjeç pa sëmundje të rënda. Kështu që ne kemi sugjeruar një përdorim tek të rinjtë dhe jemi në pritje të informacionit të mëtejshëm. Së shpejti do të ketë azhornime “, është shprehur Profesori Giorgio Palù.
Virologu tha se nëse ka mungesë të vaksinave të tjera, si në këtë fazë, dhe Rajonet janë në vështirësi, ne nuk kemi mundësi të lëmë mënjanë ata që kanë më shumë nevojë për tu mbrojtur, moshat mbi 55 vjeç në të cilën fillojnë të shfaqen sëmundjet.
AstraZeneca ka efikasitet me 60% kundrejt 95% të dy vaksinave të tjera, Pfizer dhe Moderna. A është e drejtë t’ua japësh atë edhe njerëzve më të brishtë?
“60% nuk është pak. Të thuash që një vaksinë funksionon, mjafton 50% për tu mbrojtur nga pasojat më të rënda të sëmundjes. Në fakt, ne përsëritëm që raporti përfitim / rrezik që është i favorshëm edhe tek të moshuarit që përgjigjen si të rinjtë nga pikëpamja e imunogjenitetit. Vendet e tjera kanë bërë zgjedhje të ndryshme. Ne, po presim të dhëna të reja që nuk do të vonojnë shumë. Testet janë duke u zhvilluar në vendet e tjera që do të na japin përgjigje përfundimtare”, tha ndër të tjera Giorgio Palù.
Gjithashtu kokteji i antitrupave që mori presidenti amerikan Donald Trump kur u prek nga koronavirusi, po merr vëmendje gjithmonë e më të madhe.
Lidhur me përdorimin emergjent të antitrupave monoklonale, Palù tha se në fakt aktualisht kemi 6 antitrupa në fazën e fundit të eksperimentimit ose tashmë të autorizuar, përfshirë të ashtuquajturin “Koktejin Trump”. Shumë të tjerë janë në fazën 2, 56 në studimin paraklinik dhe 60 të tjerë në fazën e zbulimit.
