Drejtoresha e ISHP-së Silva Bino, deklaroi se është rritur numri i të vdekurve nga Covid-19.
Në një deklaratë për mediat, në emër të Komitetit të Ekspertëve, Bino thekson se incidenca javore ka shkuar në 209, që do të thotë rritje e konsiderueshme e rasteve.
“Incidenca javore është rritur. Deri një javë më parë ishte nën 200. E thënë kjo edhe për faktin e disa masave që kanë marrë edhe vendet e tjera. Kjo nuk është një rritje shumë e lartë. Është rritur pak mbi tavanin por ka rëndësi. Kjo është një tregues shumë i rëndësishëm që kombinohet edhe me rritjen e shtrimeve në spital. Nuk kemi vetëm rritje të incidencës por edhe rritje të numrit të vdekjeve. Rritja më e madhe vihet re në Tiranë. Incidenca më e lartë vihet re në Bashkinë e Sarandës. Rritja kryesore është në Sarandë. Durrës dhe Tiranë. Në gjithë Shqipërinë vihet re rritje graduale në të gjithë bashkitë e vendit. Vërehen rritje të rasteve në të gjithë grupmoshat. Kemi pasur rritje të rasteve gjatë muajit Janar”, tha Silva Bino.
