Dhoma e Përfaqësuesve e Kongresit amerikan votoi mbrëmjen e sotme për ngritjen zyrtarisht të akuzave për shkarkimin e Presidentit Donald Trump.
Kjo është hera e parë në historinë amerikane që ndaj një presidenti ngrihen dy herë akuza për shkarkim gjatë mandatit të tij.
Sipas BBC, demokratët kaluan pragun për votat e nevojshme që duhen për ngritjen e akuzave ndaj presidentit Donald Trump. Numërimi vazhdon ndërsa deri më tani numërohen 231 vota në total pro akuzave ndaj Trump, 221 demokratë dhe 10 Republikanë.
Votimi për akuzat ndaj Trump u bë një javë përpara mbarimit zyrtar të mandatit të tij. Kjo është hera e dytë që demokratët e Dhomës së Përfaqësuesve kërkojnë shkarkimin e presidentit nga detyra, këtë herë si përgjigje ndaj sulmit në Kapitol, më 6 Janar.
-Dhjetë republikanët që votuan pro ngritjes së akuzave për Trump
Rep Dan Newhouse, Uashington
Rep. John Katko, Nju Jork
Rep. Jaime Herrera Beutler, Uashington
Rep. Adam Kinzinger, Illinois
Rep. Fred Upton, Miçigan
Rep Liz Cheney,Wyoming
Rep Peter Meijer, Miçigan
Rep Anthony Gonzalez, Ohajo
Rep Tom Rice, Karolina e Jugu
Rep David Valadao, Kaliforni
/mv.abcnews.al
